Tusen takk!

19. august, 2019

Tusen takk til alle dei 22 som møtte på dugnaden! Vi fekk gjort alt som stod på lista vår, så no vert det mindre å gjere til våren reknar vi med.

Minitraktoren var eit kapittel for seg; først stoppa den, så fekk dei han i gang igjen vha bakkestart – deretter gjekk den 300 meter, og så datt eit av hjula av! Inni der hjulet skal vera var det finmekanikk, og då må spesialist på banen, så viss du ser traktoren ved hol 1 så veit du kvifor!

Lift vart leigd for å fiksa nettet, men den viste seg å vera for kort, så då kom det kranbil med korg som 2 heldige menn vart heist til topps i. Nettet vart fiksa og delvis drege til sides! Resten av nettet vart og fiksa, men det heng ute for banen og driving rangen er framleis open! Det vil kome melding her og på FB ein dag før vi stengjer.

Innimellom all jobbinga serverte vi heimebakst og kaffi/te med smittevernreglane i fokus. Vi hadde og premieutdeling for dei turneringene som gjenstod. Alle resultata ligg i Golfbox. Viss du skal ha premie og ikkje var der, så får du den av nokon som var der og tok den for deg.

Andre innlegg

Banen er vinteropen, men

Drivingrange er stengtUnngå oppslått torv, pegg opp på fairwayBegrens nedslagsmerke på greenIkkje spel på banen ved frost eller rim på bakken Bildet vart teke 2.mars av Vidar Østerbø

Er du over 50?

Då kan det vere aktuelt for deg å bli medlem i Norsk Seniorgolf (NSG). Som medlem får du tilbod om å konkurrere med andre seniorar, tilbod om å spele rimelegare på mange banar til visse tider og ein god del meir. Les meir her Bildet er tatt av Stefan Waldvogel Stefan...

Protokoll frå årsmøtet

Årsmøtet vart gjennomført digitalt på  https://grannehjelpa.whereby.com/solhaug 18.februar 2021.Her finn de referatet med underskrifter